ᐃᐁᐧ ᑲᔑ ᐸᑯᓭᐣᑕᒪᐣᐠ ᒋᑭ ᐃᓯᓭᑭᐸᐣ ᒋᐊᐧᐸᐣᑕᒪᑭᐣ ᐃᐡᑯᓂᑲᓇᐣ ᒋᐅᓇᔓᐊᐧᑕᒧᐊᐧᐨ ᐊᐊᐧᔑᔑᐃᐧ ᐱᒧᒋᑫᐃᐧ ᐅᓇᑯᓂᑫᐃᐧᓇᐣ.
ᓂᑲᓂᐡᑲᐃᐧᐣ, ᐁᐃᑭᑐᒪᑲᐠ “ᐁᐃᑲᓂᐡᑲᓂᐊᐧᐨ ᓇᐣᑕ ᑲᔦ ᓂᑕᑦ ᐁᐱᒧᓭᐨ” ᒥᐃᐧᓂᑯ ᐁᔑ ᑭᑭᓇᐊᐧᒋ ᐃᐧᐣᒋᑫᒪᑲᐠ ᐃᐁᐧ ᑲᑲᑫᐧ ᑐᑕᒧᐊᐧᐨ ᑎᑭᓇᑲᐣ ᐊᐊᐧᔑᐡ ᒥᓇ ᑎᐯᐣᒋᑫᐃᐧᐣ ᐱᒧᒋᑫᐃᐧᐣ ᐁᐃᐧ ᓂᑲᓂ ᒥᑲᓇᐡᑭᑲᓂᐊᐧᐠ ᒪᒪᐤ ᐅᐡᑭ ᐱᒧᓭᐃᐧᐣ ᒋᐅᒋ ᐃᐧᒋᑲᐸᐃᐧᒋᑲᑌᑭᐣ ᒥᓇ ᒋᒪᒪᐃᐧ ᐱᒧᒋᑲᑌᑭᐣ ᐃᒪ ᑭᑕᔑᑫᐃᐧᓂᐠ ᑲᐅᒋ ᐱᒧᒋᑲᑌᑭᐣ ᐃᐧᒋᐦᐃᐁᐧᐃᐧᓇᐣ ᒥᓇ ᑲᐃᐧ ᐅᔑᒋᑲᑌᑭᐣ ᐊᓂᔑᓂᓂᐃᐧ ᐅᓇᑯᓂᑫᐃᐧᓇᐣ.
Niigaanshkaawin News
Why was Niigaanshkaawin created?
In this video, Project Managers Robin Bunting and Esther McKay answers why Niigaanshkaawin was created.
How is Niigaanshkaawin different from Tikinagan?
In this video, Project Managers Robin Bunting and Esther McKay answers how Niigaanshkaawin is different from Tikinagan Child and Family Services.
What communities are involved with Niigaanshkaawin?
In this video, Project Manager Esther McKay answers what communities are involved with Niigaanshkaawin.
ᑫᑯᓀᓂᐊᐧᐠ ᐃᐁᐧ ᓂᑲᓂᐡᑲᐃᐧᐣ?
ᓂᑲᓂᐡᑲᐃᐧᐣ ᑲᐃᒋᑲᑌᐠ ᑭᒪᒋᒋᑲᑌᐸᐣ ᐁᐃᓀᐣᑕᑲᐧᐠ ᒋᑭ ᐅᒋ ᐃᐧᒋᑲᐸᐃᐧᒋᑲᑌᑭᐣ ᑲᑕᓱ ᐸᐯᔑᑲᐧᑭᐣ ᑎᑭᓇᑲᐣ ᐊᐊᐧᔑᐡ ᒥᓇ ᑎᐯᐣᒋᑫᐃᐧᐣ ᐱᒧᒋᑫᐃᐧᓇᐣ ᐃᒪ 30 ᐊᓂᔑᓂᓂᐃᐧ ᑕᔑᑫᐃᐧᓇᐣ ᑲᔑᔭᑭᐣ ᒋᐅᓀᐣᑕᒧᐊᐧᐨ ᒥᓇ ᒋᐊᐸᒋᑐᐊᐧᐨ ᑫᔑ ᑲᐧᔭᑯᔑᓂᓇᓂᐊᐧᐠ ᐃᒪ ᐅᑕᐊᐧᔑᔑᐃᐧ ᐱᒧᒋᑫᐃᐧᓂᐊᐧ.
ᑫᑯᓀᐣᑕᐡ ᐁᐧᐣᒋ ᒪᒋᒋᑲᑌᐠ ᐅᐁᐧ ᐅᓇᒋᑫᐃᐧᐣ?
ᒣᑲᐧᐨ ᓴᑭᑲᐸᑲᐃᐧᐱᓯᑦ 21, 2019, ᐅᓇᑯᓂᑫᐃᐧᐣ ᐃᐁᐧ ᐅᒋ ᐊᓂᔑᓂᓂᐊᐧᐠ. ᐃᓄᐃᐧᐟ ᒥᓇ ᐊᐱᑕ ᐁᐧᒥᑎᑯᔑᐃᐧ ᐊᐊᐧᔑᔕᐠ, ᐅᐡᑲᑎᓴᐠ ᒥᓇ ᑎᐯᐣᒋᑫᐃᐧᓇᐣ ᑭᐅᓇᒋᑲᑌᐸᐣ ᐅᓇᑯᓂᑫᐃᐧᐣ, ᐁᑲᐧ ᑕᐡ ᑲᔦ ᐅᒋᒥᑭᔑᑲᐃᐧᐱᓯᑦ 1, 2020, ᐃᑫᐧᓂᐊᐧᐣ ᑕᐡ ᓇᐣᑕᐁᐧᐣᑕᒧᐃᐧᓇᐣ ᑭᒪᒋᐡᑲᐊᐧᐣ.
ᐊᓂᔑᓂᓂᐊᐧᐠ ᑲᓇᐣᑕᐁᐧᐣᑕᒧᐊᐧᐨ ᑭᔭᑦ ᐱᑯ ᒋᐅᓇᓯᓇᐦᐊᒧᐊᐧᐨ ᒥᓇ ᒋᐱᒧᑐᐊᐧᐨ ᐊᐊᐧᔑᐡ ᒥᓇ ᑎᐯᐣᒋᑫᐃᐧᐣ ᐱᒧᒋᑫᐃᐧᐣ ᒪᒥᓇᐧᒋᑫᐃᐧᓇᐣ ᑫᔑ ᒥᓄᓭᐦᐃᑯᐊᐧᐨ. ᐃᐁᐧ ᐅᓇᑯᓂᑫᐃᐧᐣ ᑭᒪᒪᐤ ᐅᓇᒋᑲᑌᐸᐣ ᐃᑫᐧᓂᐊᐧᐠ ᑲᐃᐧᑕᓄᑭᒪᔭᐣᐠ, ᒥᑕᐡ ᑫᔑ ᐱᒪᓄᑲᑕᒪᐣᐠ ᒋᐊᓂᔑ ᐱᒥ ᐊᐣᒋᐡᑲᐊᐧᐨ ᒥᓇ ᒋᐊᓂ ᐊᐸᒋᑐᐊᐧᐨ ᑫᐊᓂᔑ ᐊᔭᐣᒋᓭᐠ ᐅᓇᒋᑫᐃᐧᐣ.
ᓂᑲᓂᐡᑲᐃᐧᐣ ᐅᐃᐧᒋᑲᐸᐃᐧᑕᑫᐃᐧᐣ ᐃᒪ ᐅᐣᒋ ᒪᒋᓭ ᐊᑲᐧᑭ ᐁᐧᑎ ᐊᐧᐸᓄᐣᐠ ᐱᓂᐡ ᒪᓇᑐᐸ ᐁᐧᑎ ᓀᐣᑲᐱᐦᐊᑲᓄᐣᐠ, ᒥᓇ ᐃᒪ ᓴᐸᐣᐟ ᓫᐁᐠ ᔕᐊᐧᓄᐣᐠ ᐱᓂᐡ ᐊᐧᔕᐦᐅᐣᐠ ᑭᐁᐧᑎᓄᐣᐠ. ᐃᒪ ᑕᐡ ᑲᔭᑭᐣ, ᓂᑲᓂᐡᑲᐃᐧᐣ ᐃᐧᐣ ᐅᑲ ᐅᓀᐣᑕᐣ ᐊᓂᐣ ᑫᔑ ᑲᓇᐊᐧᐸᐣᒋᑫᐨ ᑎᑭᓇᑲᐣ ᐊᐊᐧᔑᐡ ᒥᓇ ᑎᐯᐣᒋᑫᐃᐧᐣ ᐱᒧᒋᑫᐃᐧᐣ ᐃᒪ ᑫᔑ ᐃᐧᑐᑲᐊᐧᒋᐣ ᑕᔑᑫᐃᐧᓇᐣ ᑲᐸᑭᑎᓇᒧᐊᐧᐨ ᐅᐃᐧᒋᐦᐃᑯᐃᐧᓂᐊᐧ ᐊᐊᐧᔑᔕᐠ ᒥᓇ ᑎᐯᐣᒋᑫᐃᐧᓇᐣ ᐃᒪ ᐅᑕᔑᑫᐃᐧᓂᐊᐧ.
ᐊᐊᐧᔑᒣ 20 ᑕᓱᐱᐳᐣ ᐅᑕᓇᐣᐠ ᐅᐡᑭ ᐊᓂᔑᓂᓂᐃᐧ ᐸᒥᐦᐃᐁᐧᐃᐧ ᐅᓇᑯᓂᑫᐃᐧᓇᐣ ᐊᐱ ᑲᑭ ᒪᒋᒋᑲᑌᑭᐣ, ᒥᔑᐣ ᑎᐸᒋᒧᐃᐧᓇᐣ ᑭᐊᓂᒧᒋᑲᑌᐊᐧᐣ. ᐊᒥᐦᐃᒪ ᑲᑭ ᐅᐣᒋ ᒪᒋᓭᑭᐣ ᐅᓇᑯᓂᑫᐃᐧᓇᐣ— ᐃᒪ ᑕᐡ ᑎᐸᒋᒧᐃᐧᓇᐣ ᑲᑭ ᐃᐧᐣᑕᒧᐊᐧᐨ ᑭᒋᔭᐦᐊᐠ, ᐅᐡᑲᑎᓴᐠ ᒥᓇ ᑲᐊᐱᑕᐊᐧᑎᓯᐊᐧᐨ ᑭᒋᔭᐦᐊᐠ. ᓂᑭᑫᐣᑕᒥᐣ ᒥᔑᐣ ᑭᔭᐸᐨ ᐁᐦᐊᔭᑭᐣ ᑎᐸᒋᒧᐃᐧᓇᐣ; ᐁᓇᐣᑕᐁᐧᐣᑕᒪᐣᐠ ᒋᓄᐣᒋᑲᑌᑭᐣ. ᒥᔕ ᐃᐦᐃᒪ ᑫᐊᓄᐣᒋ ᐅᔑᓭᑭᐣ. ᓂᑌᐯᐧᑕᒥᐣ ᑭᑎᐸᒋᒧᐃᐧᓂᐊᐧ ᒋᐃᐧᒋᒋᑫᒪᑲᑭᐣ ᐃᒪ ᑭᑐᓇᑯᑫᐃᐧᓂᓇᐣ ᑫᐃᔑᓇᑲᐧᑭᐣ.
ᒥᑕᐡ ᐃᐦᐃᐁᐧ ᑲᐃᐧ ᐅᐣᒋ ᓇᐣᑕᐁᐧᐣᑕᒪᐣᐠ ᒋᐸᑭᑎᓇᒪᓂᐣ ᑭᑎᐸᒋᒧᐃᐧᓂᐊᐧ. ᒥᐦᐃᒪ ᐁᐦᑕ ᑫᑭ ᐊᓄᐣᒋ ᒪᒪᐤ ᒥᑲᓇᐡᑭᑫᑕᒪᐊᐧᔭᐣᐠ ᑭᓂᒐᓂᔑᓇᐣ. ᐅᐁᐧ ᑕᐡ, ᑭᓂᒐᓂᔑᓇᐣ ᒥᓇ ᐅᐡᑲᑎᓴᐠ ᒋᐅᒋ ᑭᑫᐣᑕᒧᐊᐧᐨ ᐊᓂᐣ ᑲᑭᐱᓯᓭᑭᐣ ᑫᑯᓇᐣ ᐅᑕᓇᐣᐠ, ᑲᑭ ᐃᔑᐱᒪᑎᓯᔭᐣᐠ. ᒥᐦᐃᒪ ᐁᐦᑕ ᑫᑭ ᐅᒋ ᑭᑫᐣᑕᒪᐣᐠ ᐊᓂᐣ ᑫᔑ ᒪᒋᐡᑲᓂᐊᐧᐠ.
ᒪᑎ ᑎᐸᒋᒧᑕᐃᐧᔑᓇᐣ ᑭᑎᐸᒋᒧᐃᐧᓂᐊᐧ. ᐃᐦᐃᒪ ᑭᑕᔑᑫᐃᐧᓂᐠ, ᑭᐃᐧ ᐱᓯᐣᑕᐃᐧᑯ ᒥᓇ ᐁᐃᐧ ᑭᑫᐣᑕᒪᐣᐠ ᐊᓂᐣ ᑲᐃᐧ ᑐᑕᒪᐣ ᒋᐱᒧᑕᒪᓯᔭᐣ ᐊᐊᐧᔑᐡ ᒥᓇ ᑎᐯᐣᒋᑫᐃᐧ ᒥᓄᔭᐧᐃ ᐱᒧᒋᑫᐃᐧᓇᐣ ᑭᓂᒐᓂᔑᐊᐧ ᐅᐣᒋ. ᓂᑲ ᐃᐧᑕᓄᑭᒪᒥᐣ ᑎᑭᓇᑲᐣ.
